Hinabang sa Gobyerno sa mga Beterano, P20K na

(PIA) — Gi-doble na ang hinabang sa gobyerno nga ihatag sa mga beteranong namatay samtang nag-alagad sa pagtabang sa mga nanginahanglan ug nanalipod sa kalinaw ug kahusay sa komunidad nga gibantayan.

Gibutyag ni Sen. Antonio Trillanes IV, Chairman sa Senate committee on national defense nga nanguna sa pagduso sa dugang burial assistance sa mga beterano, ang umento sa nahisgotang benipisyo nagsugod nang i­patuman niadtong milabay nga Biyernes.

Gikan sa daang gipatuman nga P10,000 nga burial assistance ubos sa Republic Act 10649, sugod niadtong Disyembre 12, nahimo na kining P20,000.

“Under RA 10649, or the law amending Republic Act No. 6948, as amended, burial assistance for veterans will be increased to P20,000 from P10,000, which has been given to dependents of qualified veterans since 1994,” pagpahibalo ni Trillanes. (mbcn/ecb/PIA7-Bohol)