Numero

numero galamitong yawe sa daghang tanghaga,
tukmang numero sa kinabag-an gikabuanga’g pangita,

sa nagpasad ug nagkalata sa kadaghan’g numero,
may magtikongkong ug mangahapla lakip kaldero,

numero manudlo ug gilay-on, gitas-on, ug gidak-on,
pangedaron, kabug-aton, hulamonon hasta bayronon,

sugalan, kadalanan lakip na’s mga tubaan,
mga nagkayamukat, numero ilang sumsuman,

pag-apas sa bulahang numero dili lang gyud palabian,
delikado, basin ug sa purol kita mahubuan..

Blogsite