Pebrero

kahumot sa kabulakan nga dugukan,
mga buyog ug alibangbang maganayan,

manggimok, manuyhakaw ning bulan sa Pebrero,
may magkiaykiay sa gugmang gakayokayo,

sa plaza maglaray, may mangita’g kaparayganay,
bulan kini sa managhigugmaay,

pagkadaghana sa kasingkasing mangumbitay,
kalas kaayo sa pahumot ang mga magpauraray,

maningkamot makadimdim sa gugmang gitagay,
manugkad kini sa kainit ni Dodong ug Inday..

Blogsite