Chicharon

sa tubaan ug daghang imnanan,
chicharon kanunay’ng ilogan ug dugukan,

laway magtubod sa chicharo’ng gisukaan,
kagumkom sama sa chicharon ang madiskitaan,

kon kanunay ka sa imnanan,
kon sa chicharon ikaw mahutdan.

‘Day, nahutdan na diay mog chicharon nga pulutan?’, Ni Noy Pikoy pa samtang nga nagtutok sa silbedora.

‘Wala ka mahibawo nga ganina ra man tikang nasultian?’ tubag ni Kordapya.

‘Aw unswaa! Abi ko man gud ug naa pa kay may kagumkom man kong nakit-an.’ palabtik ni Noy Pikoy.

‘Ayaw na lang patuga diha Noy Pikoy, gilamat ka lang sa imong nakit-an. Pakisamaha na lang nga hagwa sa hunahuna na lang ang tanan.’ Grabe ka, hasta ko maalaan nimong chicharon.” pung pa ni Kordapya dayong palayo nag-ikid ikid pula kaau ug lipstik.