Pasangil

mugna kini sa usa ka sumbong,
lamasan kinig tulisok nga makalipong,

panan-aw sa kasaypanang nakit-an,
may pasangil nga maglagubo sa tubaan,

panikas, pamintaha, mga pasangil sa sugalan,
may magsinggit-singgit, mamasangil, “tikasan! tikasan!”

kinamangay, pinalitay, mga pasangil sa piniliay,
samtang palusutay, ug padangogay,

ang huptan sa mamasangil ug mapasanginlan,
may pasangil nga mosangpot sa hukmanan,

ang pasangil utingkayon, iwisiwisi,
tutukan, kon kamatuoran dili ba makakisikisi…

Blogsite