Alisto

kini tawag sa tawong abtik,
sipat, dangog, lisod mabitik,

maayo siya mobasa ug sitwasyon,
matag lakang, hasta igham, inihap, iyang sukdon,

matag kasikas, sinaguyod sa linaktan basahon,
ang pagkaalisto dala sa kamaampingon ug kahikutado,

magamit kaayo kini sa buhat nga minaayo,
pasilonganan ug dangpanan usab sa gwatsinanggo,

may alisto kaayong magtagotago,
kon may magdalag listahan sa utang siya dili moguho,

mga buhat nga dili ipadaylang,
pilit kining pangitngitan, pagkaalisto himoong abyan,

magdala kinig kaayo, mopahilayo sa peligro,
mahimo usab kining sukaranan sa pangabuso…

Blogsite